Arnrún María - Adda
Hvers vegna Samtalið fræðsla ekki hræðsla
Mig langar að skapa örugga framtíð fyrir börn, þar sem þau fá tækifæri til að þroskast og dafna í heilbrigðum og jákvæðum samskiptum. Með Samtalinu vil ég fræða og styðja alla sem ala upp börn, kenna þeim eða starfa með þeim, því allir sem taka þátt í lífi barna hafa áhrif á framtíð þeirra.
Starf mitt byggir á rannsóknum fræðasamfélagsins um forvarnir, samskipti og félagsfærni barna. Ég tengi vinnuna við Barnasáttmála Sameinuðu þjóðanna, sem leggur áherslu á rétt barna til verndar, þátttöku og virðingar, og við hugmyndafræði Jákvæðs aga, sem styrkir börn til að læra ábyrgð og virðingu án þess að beita refsingum eða hræðslu.
Markmið mitt er að börn og fullorðnir verði meðvituð um samskipti, læri að setja eigin mörk og virða mörk annarra. Það er jafnframt mikilvægt að við vitum hvar við getum leitað aðstoðar – hvort sem við erum börn eða fullorðin. Hér fyrir neðan má finna gagnleg verkfæri, og allir eru velkomnir að hafa samband við mig.
Mín sýn er að fræðsla um hættur eigi ekki að byggjast á hræðslu heldur styrkja okkur til að lifa öruggu og innihaldsríku lífi. Líkt og börn á Íslandi fá fræðslu frá þriggja ára aldri um umferð og eldvarnir, tel ég ekki síður mikilvægt að þau læri að umgangast hvert annað af virðingu og að við fullorðnir séum þeim fyrirmynd.
Við berum öll ábyrgð á að fylgja Barnasáttmálanum og efla börnin okkar til að verða virkir þátttakendur í eigin lífi og framtíð.
Samtalið fræðsla ekki hræðsla er mitt framlag til að skapa samfélag þar sem börn njóta verndar, skilnings og virðingar.
Fjölskyldan mín
Ég er gift, Friðrik V Hraunfjörð, við eigum þau Karen Ösp og Axel F, tengdabörnin Óskar og Agla Rún hafa verið lengi samferða okkur. Hann Markús Hreinn Óskarsson kom í fjölskylduna okkar 2013. Ég er afskaplega þakklát fyrir fólkið mitt, þau hafa stutt mig og styrkt í þeim ákvörðunum sem ég tek í lífinu.
Við höfum sigrað ýmiskonar áföll í lífinu. Fyrir vikið finnst mér mikilvægt að deila þeirri reynslu, styðja og leiðbeina öðrum í svipaðri stöðu í úrræði sem henta. Það er svo mikilvægt að segja frá vanlíðan sama hversu “lítið” og “ómerkilegt” þú telur það vera. Mikilvægt er að á viðeigandi aðstoð.
Sá sem á einstakan stað í hjartanu er ömmustrákurinn. Hann veit að amma er aldrei langt undan, bjáti eitthvað á.
Ferilskrá
Starfað í leikskólum með hléum frá 1992
Útskrifast sem leikskólakennari 2000
Aðstoðarleikskólastjóri, deildarstjóri, verkefnastjóri
Forstöðukona foreldraröltsins
Háskólinn á Akureyri Aðjunkt f.leikskólakennara
Háskólinn á Akureyri stundakennari f. hjúkrunarfræði
Umsjónarkennari fyrir FAST hetjur 112 á Íslandi
Forvarnanámskeið fyrir starfsfólk skóla
Ráðstefnur og málþing
Höfundur Lausnahringsins og Hvar er Valli ofurhetja
Ráðgjöf við gerð þingsályktunartillögu Stjórnarráðs Íslands
Ráðgjöf við vinnu að framtíðarskipan skólaþjónustu Barna - og menntamálaráðuneytis
Sat í Skólamálanefnd FL
Sat í SIðaráði KÍ
Skrifað fjölda greina og pistla
Átti og rak veitingastaðinn FRIÐRIK V, í mörg ár ásamt Friðrik V eiginmanninum
Áhrif
Samtalið fræðsla ekki hræðsla hefur ratað í stefnumótun bæði stjórnvalda og sveitarfélaga.
Auk þess sem þessi forvarnafræðsla um ofbeldi og mikilvægi þess að þjálfa börn snemma að setja og virða mörk hefur farið víða um land bæði til kennara og foreldra.
Viðurkenningar
Samtalið fræðsla ekki hræðsla og Lausnahringurinn hefur í fjögur ár hlotið viðurkenningar, tilnefningar til foreldraverðlauna Heimilis og skóla:
2020 Lausnahringurinn
2021 Lausnahringurinn
2022 Samtalið fræðsla ekki hræðsla
2023 Arnrún María Magnúsdóttir, dugnaðarforkur Heimilis og skóla
Að auki fékk Arnrún María þá starfandi sem verkefnastjóri í Leikskólinn Brákarborg og leikskólinn hvatningarverðlaun og viðurkenningu frá skóla- og frístundaráði Reykjavíkurborgar, verðlaunin voru veitt fyrir Lausnahring, fyrir framúrskarandi faglegt starf í leikskóla.
ENDÓ
Vissir þú að 12-15 þúsund einstaklingar þjást af sjúkdómnum endómetríósu á Íslandi?
Einungis rúmlega 3000 tilfelli
hafa verið formlega greind
Ég hef horft uppá dóttir mína þjálst af þessum sjúkdómi frá því hún byrjaði á blæðingum 9 ára gömul, sjálf fékk ég greiningu 53 ára gömul, þá búin að glíma við einkenni alla mína ævi, vissi ekki að þetta gæti verið sársauka minna, hafði hreinlega lært að harka af mér.
Í dag er ég í stjórn Endósamtakanna og brenn fyrir það að efla forvarnir og fræðslu fyrir börn og ungmenni, að uppalendur, kennarar og síðan yfirmenn á vinnustað séu meðvituð um einkenni og þekki þennan slóttuga sjúkdóm, sem er mikilvægt að þekkja og kynna sér.
Kíktu á síðu samtakanna til að læra meira https://endo.is/
Greinar og viðtöl
FAST 112
Verðlaunað alheimsfræðsluátak um einkenni slags
Ég þekki það sjálf að fá heilaslag og er þakklát fyrir skjót viðbrögð að ég get gengið og talað eðlileg í dag.
FAST 112 er sniðið að börnum á aldrinum 5-9 ára, þá eru ofurhetjur hvað mest spennandi fyrir þeim. Börnunum er kennt hvernig helstu einkenni slags eru í gegnum leik, söng og teiknimyndir. Þeim er kennt að sýna samhygð og ást og læra gagnlega hluti eins og hvernig eigi að hringja í neyðarlínuna. Ekki er verið að færa ábyrgðina yfir á herðar barnanna, heldur er þetta kannski meira í líkingu við fræðslu um brunavarnir, sem margir kannast við og er fastur liður í starfi leikskólabarna. Börnin læra í gegnum leik og fræða svo foreldra sína um það sem þau kunna. Þá hvetur verkefnið til samvinnu barna og fullorðinna og skapar skemmtilegar og góðar stundir
Sjá nánar á síðu Fast Hetja
Hafðu samband
„Friðarsúlan er heimili Lausnahringsins, sem sendir frið út í heiminn inn í hjörtu allra.
Þannig geta allir lært að stjórna sér“
5 ÁRA BARN Í ÚTSKRIFTARFERÐ Í VIÐEY
Fyrirmyndir og innblástur í mína vinnu er að finna hér
„Ekki gera ekki neitt“
Arnrún María